Asteburu honetan, igandean, informazio-karpa jarriko da, herritarrek txartel marroiaren erabilerari buruzko azalpenak jasotzeko eta dituzten zalantzak argitzeko aukera izan dezaten.Horrez gain, apirilaren 1etik 5era, Kale Barren 8 (Udaletxeko bulegoetan) kokatutako informazio-bulegoak egongo dira zabalik, oraindik txartel marroia jaso ez dutenek bertan eskuratu ahal izateko.

Ermuko minigarbigunea, Merkatu Plazaren ondoan dagoena, eskuragarri dago, bere segurtasuna eta itxura estetikoa hobetu dituen berrikuntzaren ondoren. Bigarren minigarbigunean, Izelaietan, 2024an berritu zuten. Berrikuntza horiek eskualdeko minigarbigune guztiak berritzeko plan baten barruan sartzen dira, 12 guztira, Ibur Erreka enpresa gauzatzen ari dena 35.000 euroko kostuarekin

Debabarrenako Mankomunitateak atez ate hondakinak biltzeko sistemaren bigarren fasea abian jarri du, eta, horrela, Eibar eta Elgoibarko tabernak, jatetxeak eta kafetegiak ekimen honetara gehitu ditu, hondakinen kudeaketa hobetzeko eta eredu iraunkorrago baterantz aurrera egiteko asmoarekin.

Debabarreneko Mankomunitateak, Ecoembesekin lankidetzan, komunikazio-ekintza berri bat jarri du abian, herritarrak sentsibilizatzeko, hondakinak behar bezala bereizi eta edukiontzi horian uztearen garrantzia indartzeko

"BIRZIKLATU latak, brickak eta plastikozko botilak edukiontzi horian eta egin bat ekonomia zirkularrarekin" lelopean, ingurumena zaintzeko eguneroko keinu txikien balioaz herritarrak kontzientziatzea du helburu ekimenak.
 

Mankomunitateak arrain hondakinak, Sandach izenekoak, Eibarko Garbiguneko hozkailura eramaten ari diren arrandegi guztien jarrera eskertu nahi du. Bilketa berri hori aurtengo maiatzean jarri zen martxan, eta Aldundiak finantzatu zuen

Indarrean dagoen legeria betetzeaz gain, hondakin horiek hiriguneetatik atera dira usain txarrak ekidinez eta hiri ingurunea hobetuz.

Debabarrena Mankomunitateak ontzi arinak eta hondakin organikoak atez ate biltzeko zerbitzua jarri du martxan, Eibarko eta Elgoibarko merkataritzako eta ostalaritzako sektorearentzat. Ekimena gaika birziklatzearen inguruan mankomunitateak egin duen apustu garrantzitsuenetariko bat da, eta jada abian da irailaren 16tik, astelehena, aurrera.

Debabarrenako Mankomunitateak iragarri duenez, irailetik aurrera neurri berri bat abian jarriko da Garbiguneetan, astean, Eraikuntzako eta Eraispeneko Hondakinen (EEH) 100 kilo baino gehiago uzten dituztenentzat. Izan ere, eraikuntzako eta eraispeneko jardueretan sortutako hondakinak modu eraginkorrago eta iraunkorragoan kudeatu behar dira.

Debabarrenako Mankomunitateak sukaldeko olioa eta kafe kapsulak biltzeko lanak indartuko ditu uztailaren 22tik (astelehena) aurrera, kontratu berri baten bidez. Zerbitzua Ekogras enpresari esleitu zaio, 81.730 euroko kostua izango du, eta datozen bi urteetarako izango da.

Eibarrek bat egingo du elikagai-xahuketaren kontrako Rexcatering sarearekin. 2024ko uztailak 12, modu ofizialean eman zitzaion hasiera Egogain Zentroa eta J.A. Mogel Ikastolako jangeletako elikagai-soberakinak berreskuratzeko proiektuari, Zero Hondakin Fundazioarekin elkarlanean, eta Eibarko Udalaren, Debabarreneko Mankomunitatearen eta Gipuzkoako Foru Aldundiaren finantzazioari esker. Berreskuratutako elikagaiak hiritar guztien eskura egongo dira doan, Egogain Zentroaren kanpoaldean (frontoiaren ondoan) egongo den vending-makinan (Eibarko Zero Zabor Hozkailua).

Debabarrenako Mankomunitateak udazkenean abiatuko du proba pilotua Eibar eta Elgoibarko 40 merkataritza saltokietan eta ondoren, 80 ostalaritza lokaletara zabalduko da zerbitzua Helburu nagusia merkatari zein ostalariei erraztasunak ematea da birziklatze datuak hobetzen jarraitzeko Proiektu pilotuak 89.100 euroko kostua eta sei hilabete inguruko iraupena izango du, beste sei hilabetez luzatzeko aukerarekin