Skip to main content

Hasi da eskualdeko jantokietan elikagaien xahutzea saihesteko diagnostiko fasea

Iosu Arraiz, Mankomunitateko lehendakaria: "Proiektu pilotu hau EAEko jantoki publikoetan elikagaien xahuketaren inguruan egiten den lehenetarikoa da. Esan daiteke Mankomunitateak eta Eibarko Hezkuntza Esparruak lan egiteko bide berri bat ireki dutela elkarlanean, elikagaien xahuketa eta honen ondorio negatiboak murrizteko. Proiektu honek etorkizun hurbilean beharrezko urratsak egiteko balio izatea espero dugu".

Hondakin kopuru handia sortzen duten zerbitzuetan ontzi arinen gaikako bilketa sustatzeko kanpaina berria

Orain arte biztanleriaren segmentu desberdinetan gaikako bilketa sustatzeko egin dituen ekimenei jarraipena emanez, Mankomunitateak ontzi arinetan jarri du orain fokua, zatiki honetan hobetzeko tarte nabarmena baitago eskualdean.

Mankomunitatea eskualde osoko 28 gune bisitatzen hasi da aste honetan, gehienak zerbitzuen sektorekoak, hala nola hotelak, adinekoen egoitzak eta osasun-zentroak. Helburua da eskualdean gaika biltzen diren ontzien kopurua handitzea.

115.600 kg hondakin jaso dira edukiontzietatik kanpo lehen seihilekoan

• Mankomunitateak gogorarazten du edukiontzien kanpoan uzten diren hondakinak ez direla birziklatzen, nahiz eta dagokion koloreko edukiontzi kanpoan egon.

115 tona hondakin jaso dira lehen seihilekoan Debabarrenako edukiontzien kanpoaldean, honek esan nahi bataz beste 645 kg jaso zirela egunero. Hori horrela, Mankomunitateak herritarrei gogorarazi nahi die hondakinak edukiontzi barruan utzi behar direla, kanpoan uzten diren hondakin solteak eta hondakin poltsak ez baitira birziklatzen, hau da, errefusara doaz zuzenean.

Arduratsuak izateko deia egin du Mankomunitateak, gaikako bilketaren azken datuekin kezkatuta

2022ko lehen hilabeteetan, maiatzera bitarte jasotako datuen arabera, %55,09an kokatzen da eskualdeko gaikako bilketa tasa, 2020an baino %0,17 gutxiago.

Mankomunitateak kezka adierazi du gaikako bilketako azken datuen aurrean. 2020an %55,26an kokatu zen eskualdeko gaikako bilketaren tasa, inoizko daturik hoberena lortuz. 2021ean, jaitxiera leun bati jarraiki, urteko bataz besteko datua %55,05ekoa izan zen. 2022ko lehen hilabeteetan aldiz, maiatzera bitarte jasotako datuen arabera, %55,09an dago gaikako bilketaren tasa.

 

Kale garbiketa eta hondakin bilketa zerbitzuak digitalizatzeko proiektua abiaraziko du Mankomunitateak, eraginkortasuna handitzeko

Helburua da zerbitzuen kudeaketa eta kalitatea hobetzea, ematen diren zerbitzuen eraginkortasuna hobetzeko.

Mankomunitateak kale garbiketa eta hondakin bilketa zerbitzuak digitalizatzeko proiektua abiaraziko du. 47 ibilgailu eta 2.428 edukiontzi digitalizatzea aurreikusten da. Helburua da zerbitzuen kudeaketa eta kalitatea hobetzea, ematen diren zerbitzuen eraginkortasuna hobetzeko.

Harrera bikaina izan dute ingurumen heziketa saioek, non ikasleen zalantzak argitu diren hondakinen kudeaketaren inguruan

Nazioarteko Ingurumenaren Egunaren harira, ekainak 5, Mankomunitateak hainbat heziketa saio eman ditu Eibar, Elgoibar eta Mutrikuko ikastetxeetan, eta harrera ona izan dutela adierazi dute Mankomunitatetik.

Debabarrenako Mankomunitateak lanean dihardu hondakinen birziklapenaren inguruan gizarteko kolektibo desberdinak sentsibilizatzen.

Mankomunitateak kale garbiketa zerbitzua indartuko du Eibarren San Juan jaietan

Mankomunitateak Eibarko kaleak garbitzeko baliabideak handituko ditu ekainak 19, 23, 24, 25 eta 26an San Joan jaiengatik, egoera atseginean mantentzeko jaiegunetan.

San Joan jaietan Eibarren eskaintzen duen kale garbiketa zerbitzua indartuko du Mankomunitateak, jaiegunetan herriko kaleak garbi eta atsegin mantentzeko.

 

Errefortzuko baliabideak

 

Subscribe to