Eskualdeko 260 establezimendu baino gehiago bisitatu dira. Informazioa banatu, proposamenak entzun eta biohondakinak birziklatzeko bitartekoak eskaini dira. Gipuzkoako Foru Aldundiko Ingurumen eta Obra Publikoen Sailak 5.047,16 euroko diru-laguntza eman dio Mankomunitateari ekimena garatzeko.
Birziklatu ezin daitekeen hondakin kopurua murrizteko, Mankomunitateak komertzioetan sortzen den kartoia jasotzeko zerbitzua ezagutarazteko ekintzak egin ditu, baita poligonoetako bilketaren jarraipena ere.
Helburua da errefusan uzten diren hondakin kopurua murriztea, hondakin bakoitza dagokion edukiontzian uztea sustatuz.
Egitasmo hauek Gipuzkoako Foru Aldundiaren 25.670 euroko diru laguntza jaso dute.
Irailean jarri zen martxan Eibar, Ermua, Deba, Mutriku eta Elgoibarko tabernetan beira gehiago birziklatzeko kanpaina Ecovidrioren laguntzaz, eta tabernetara bisitak egin ondoren, ondorioak aurkeztu ditu Mankomunitateak.
Eskualdeko 146 establezimendutara egin zen bisita. Hauetatik 27 itxita zeuden, gehienak Covid-19agatik. Elkarrizketatu ahal izan diren 119 kasuetatik 102k berziklatzen dute beira, %86ak.
Debabarrenan urtean 427 kg hondakin sortzen dira biztanleko. Herritarrek gero eta gehiago birziklatzen duten arren, gero eta hondakin gehiago sortzen dira, eta Mankomunitateak egunero egiten du lan kopuru hori murrizteko.
Azaroaren 21etik 29rako astean ospatzen da Hondakinak Prebenitzeko Europako Astea eta Mankomunitateak eskualdean sortzen den hondakin kopuruari buruzko hausnarketa sustatu nahi du, sortzen den hondakin kopurua murrizteko moduak bilatzeko.
Azken asteetan, hondakin desegokiak agertu dira eskualdeko edukiontzi horietan, eta horrek arazoak eragin ditu birziklatze-prozesuan.
Iazko urriarekin alderatuz, bi puntu egin du gora gaikako bilketak Debabarrena eskualdean.
Mankomunitatetik adierazi dute: “2019ko urrian %53,16koa izan zen gaikako bilketa eta aurten %55,26ra igotzea lortu dugu guztion artean. Azaroan eta abenduan datu on hauek mantentzen baditugu, 2030erako helburuak lortzetik hurbilago egongo gara.”
Gaur hasi da Mankomunitatea eskualdeko 825 enpresa bisitatzen. Helburua da hondakinak biltzeko egungo zerbitzua hobetzea eta egun bereizita jasotzen ez diren zatikiak birziklatzeko hobekuntzak baloratzea.
Ahalegin ekonomiko nagusia hiri-hondakinen gaikako bilketara eta kudeaketara bideratutako partidetan dago. Mankomunitateak 180,72€ inbertituko ditu 2021ean herritar bakoitzeko bilketan, birziklatzean eta kale garbiketan, 2020an baino %0,13 gehiago.
Gabonetako pertsonaiak dira protagonista, Olentzero eta Mari Domingi, Hiru Erregeak eta Santa Klaus, eskualdeko adin eta jatorri guztietako pertsonengana iristeko.
Martxan da Debabarrena Mankomunitatearen kontzientziazio kanpaina Gabonetan birziklapena sustatzeko. Gabonetako pertsonaiak dira kanpainako protagonistak eta mezua helarazteko arduradunak: Olentzero eta Mari Domingi, Hiru Erregeak eta Santa Klaus.
Mankomunitatea osatzen duten udalerri bakoitzeko lurpeko edukiontzien egoera aztertu ostean hartu zen erabakia abenduaren 16ko Batzar Orokorrean.
Mankomunitateak lurpeko 63 edukiontzi ordezkatuko ditu Ermuan, Eibarren, Elgoibarren eta Mutrikun, zaharkituta daudelako eta berritzeko beharra dutelako. Helburua da hondakin bilketaren eraginkortasuna handitzea eta eskualdeko gaikako bilketa hobetzea.
