2020ko lehen 6 hilabeteetan 15.090 tona hondakin bildu dira eskualdean, 2019an baino % 2 gutxiago.
2020ko lehen seihilekoan 200 errefusa tona gutxiago eta 55 tona organiko gehiago bildu dira 2019ko lehen seihilekoan baino.
Birziklapenak gora egin du ontzien eta egurraren zatikietan, baina behera beirarenean eta tamaina handikoetan.
Deba, Mutriku, Elgoibar, Eibar eta Ermuako edukiontzi marroietan botatako hondakinen jarraipena egin da 10 astez herritarren ohiturak aztertzeko, eta hainbat "puntu beltz" identifikatu dira, non mota guztietako hondakin ez-organikoak edukiontzi marroira botatzen diren.
Mankomunitatea lanean ari da biohondakinen edukiontzi marroira oker botatzen diren mota guztietako hondakin ez organikoak murrizteko.
Helburua da herri horietan beiraren gaikako bilketa handitzea.
Tabernetara bisitak egingo dira eta baliabideak ipiniko zaizkie oraindik beira birziklatzen ez duten establezimenduei.
Iosu Arraiz, Mankomunitateko lehendakaria: “hondakinen bilketa eta birziklatzea Mankomunitateak dituen etorkizunerako erronka handienak dira, bai berehalakoak, bai epe luzekoak, eta aurreikusten da erabaki estrategiko nagusiei aurre egin beharko zaiela epealdi honetan.”
Aurtengo uztailean %56,84ko gaikako bilketa lortu zen Debabarrenan, datu positiboa iazko %51,60koarekin alderatuta. Abuztuan %48,67koa izan da gaikako bilketa, iaz baino ia %1 altuagoa.
Mankomunitatetik adierazi dute: “datu positiboak ospatu behar badira ere, oraindik lan asko dago egiteko eskualde mailan eta ezinbestekoa da gizarteko eragile guztien inplikazioa”.
Zulaketa lanak joan den astean amaitu ziren Urruzunoko zabortegiko 2. gunean.
Laster egingo dira zabortegiaren lurpeko gasen analisiak, horien osaera eta kontzentrazioa ezagutzeko eta, horrela, gas horiek erauzteko drainatze-sistema egokiena zein den baloratu ahal izateko.
Lanen helburua da Urruzunoko zabortegiko 2. gunea zigilatu eta bertako ingurumena berreskuratzea.
Debabarrena Mankomunitateak epe ertain eta luzerako Plan Estrategikoa aurkeztu du gaur, eta baita ibilbide horretan erabiliko den irudi korporatibo berria ere.
Iosu Arraiz, mankomunitateko lehendakaria: “erakundeak epe ertain eta luzera izan behar duenaren zerumuga marrazten duen Plan Estrategiko bat edukitzea funtsezkoa da guretzat, erakundea osatzen duten pertsona guztiek ahaleginak helburu komun batean kontzentratu ahal izateko.”
Edukiontzi kanpoetan agertzen diren zabor poltsa kopurua kezkagarria da Mankomunitatearentzat, eta herritarrei gogorarazten die, isunak jartzen hasiko ez badira ere, arau hauste arina dela eta 300 eurorainoko isuna ezarri daitekeela zabor poltsak edukiontzi kanpoan uzteagatik.
Igoera %2koa izango da, irailean proposatutakoa (%3,37) baino txikiagoa. Igoera, batez ere, Covid-19aren aurkako babes beharrak eragindako gastuei dagokie.
Emandako zerbitzuengatik eskualdeko udalek ordaintzen dituzten kuotak orokorrean leunki igoko dira 2021ean, 2020arekin alderatuta %0,5a bataz beste. Erabakia nagusiki hondakinen tratamenduan izandako igoeraren ondorio da.
Hondakinak bildu eta kudeatzeko eta kaleak garbitzeko zerbitzuengatik eskualdeko udalek ordaintzen dituzten kuotak %0,5 igoko dira bataz beste 2021ean, horrela onartu du Debabarrenako Mankomunitateko Batzar Orokorrak. Igoera, batez ere, hondakinen tratamenduaren handitzearen ondorioz emango da.
Aurtengo irailean hondakinen %54,71a bildu da gaika eskualdean, iaz baino %1 gehiago. Birziklapen daturik onenak dituzten herriak Deba eta Mutriku izan dira, %66,76 eta %64,54arekin.
