%50ko gaikako bilketa gainditzeko helburuarekin, Debabarrenako Mankomunitatea, udalerri guztietan hondakin bilketa sistema berria bultzatzen ari da. Sistema berri honen oinarrian itxitura elektronikoa duten organikoaren eta errfusaren edukiontziak daude. Soraluzeko edukiontzien aldaketa hau, sistema berriaren inguruko xehetasunak jakinaraziko dituen kanpainarekin batera egingo da. Honela, Soraluzeko bizilagunek sistema berriaren inguruko informazioa jasoko duen informazio gutuna jasoko dute.

Soraluzeko informazio bulegoa zabalik! Gaurtik abenduak 21 bitarte, udaletxeko osoko bilkura aretoan egongo gara. Ordutegia astelehenetik ostiralera 11:00-20:00 eta larunbatetan 9:00-14:00etara. Etorri zure kit-a jasotzera!

Era berean, bilketa sistemaren aldaketak azaltzeko, gaur abenduaren 12an, hitzaldia emango da arratsaldeko 18:30etatik aurrera Soraluzeko kiroldegian.

Debabarrena Eskualdeko Mankomunitateak 13.157.166 euroko aurrekontua onartu du 2018. urterako. Ahalegin ekonomiko nagusia hiri-hondakinen gaikako bilketara eta kudeaketara bideratutako partidetan ikusten da, partida horien zenbatekoa 8.724.505 euro baita, aurrekontuaren % 66 baino gehiago. Atal horretan, nabarmentzekoa da hondakinen altako kudeaketagatik Mankomunitateak GHKri ordaindu beharreko 3.401.976 euroko zenbatekoa.

Urtarrilean zehar Debabarrenako Mankomunitateak errefusarentzat txartel bidez irekitzen diren edukiontzi gris berriak jarriko ditu. Europak ezarritako birziklapen maila gainditzeko helburuarekin, Debabarrenako Mankomunitateak, udalerri guztietan hondakin bilketa sistema berria bultzatzen ari da non organikoa eta errefusaren edukiontziak itxitura elektronikoa izango duten eta txartel bidez ireki ahal izango diren.

Elgoibarko informazio bulegoa zabalik! Urtarrilaren 8tik 18ra kultur etxean egongo gara. Ordutegia astelehenetik ostiralera 11:00-20:00 eta larunbatetan 9:00-14:00etara. Etorri zure kit-a jasotzera!